من غير ميعاد ... خط احمر

عضو نشط تاريخ التسجيل : 01/06/2010 العمر : 43

باديء ذي بدء سلام من الله عليكم
مقترح لعموم اركان حرب منتدى فريق العزيز
ان خالف الموضوع نهج المنتدى او خالطته اي اشكالات لكم كامل حق التصرف من حذف وتعديل وغلق
*********
من المعترف به سودانيا ان اهتمام الشعب السوداني بالشأن السياسي ان لم يكن % 100% فهو اقرب لحد الكمال
ويعزى لاسباب عديدة مع الاخذ بالاعتبار تفشي نسبة الامية والتخلف وما الى ذلك
والذي لم يحد من اهتمامه بالشأن السياسي فابواه اما يوحدانه كناية عن الاتحادي او يشيعانه لليسار وكثير غير ذلك من ناس سيدي وسيدك وهلم جرا وووو
الحديث عن حال الوطن الام وأعني السودان الوطن الكبير قد نتفق او نختلف في الشأن الفكري ولكن يبقى الوطن اصل الاشياء
من منا لم يهزه حال الوطن او لم تخالطه الالام لما آل اليه الحال من تردي وسوء على جميع النواحي اقتصاديا فكريا اجتماعيا والخ ..
مساحة للتنفيس عن ما يجول بخاطرك و ابداء رأي حر
*****
ممكن كل واحد فينا يكتب عن موضوع لاقاهو ويكتب رأي فيهو ويفتح الفرصة للناس للمحاورة والمشاركة
مثلا كعنوان لاقاك في صحيفة اي كانت سياسية رياضية ثقافية
ويعبر عن رأي هو والناس تحاول تتونس في الموضوع
******* بداية كدا
انا عايز افتح باب وما عارفو حيتقفل كيف .. لكن من المهم انو يتفتح
الانفصال ... وما ادراك ما الانفصال
العالم كلو بيتكلم عن انفصال جنوب السودان وبيناقش فيهو الا نحنا اصعاب الوجعة قاعدين بنتفرج بس
كانو الكلام دا حاصل في عالم تاني مش بلدنا ..
رأي شخصي .. لا لانفصال الجنوب كدا بس
مش حقنا .. مش من اتولدنا لقينا السودان دا من حلفا لي نمولي
دايرنو كدا عاجبنا بي قرفو وخمجو دا .. عفوا لصيغة الجمع لتحلية الكلام بس ...
,,,, في الانتظار للرأي الاخر ...

عضو نشط تاريخ التسجيل : 28/11/2010

ممكن تقدر تقول الجنوب إنفصل لأنها مسألة وقت ليس إلا والوحده الجاذبه وغيرها كلام فارغ
لأنو أصلاً ما عملنا حاجه يجذبهم ونحن من ضيُع الجنوب المهم يبقوا عشره على الباقى
أمس حلايب واليوم الجنوب بى حالو والخوف من بكرُه والكثير من المناطق مشتعله كما
يعلم الجميع
دمت بخير

عضو نشط تاريخ التسجيل : 01/06/2010 العمر : 43

تشكرات حبيبنا مدثر ..
بس مافي مجال للاماني والاحلام توقعات للقادم من الاحداث يرجع سودانا حتى ولو بعد حين
لانو واصلنا بي نفس النهج دا الواحد بعد يومين بيتهم بيلقاهو اتجزء حلايب شلاتين الجنوب وبكرة دارفور وبعد يومين ابيي القنبلة الموقوتة

يا محمد انفصال الجنوب اصبح امر واقع والحكومة خططت له من بدري وسيناريو مقتل جون قرنق جزء من المخطط والوحدة الجازبة كلام علي الورق فقط واذا كانت الحكومة ترغب في وحدة جازبة فعلية ما كان شي صعب اقناع الجنوبين بالوحدة في السنين الفاتت لكن علي قول الصادق المهدي المؤتمر الوطني يريد شراء بعير بريال واحد ولايوجد بعير بي ريال.
الانفصال قائم قائم علينا بتوحيد ولم شمل الجزء المتبقي.
ولك اجمل التحية