فريق المحس


فريق سودانية نوبية محسية
 
الرئيسيةالتسجيلدخول

شاطر | 
 

 البطارية نزلت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رأفت عذالدين
Admin
Admin


تاريخ التسجيل : 03/07/2010

مُساهمةموضوع: البطارية نزلت   الخميس 26 أغسطس 2010, 7:48 pm

البطارية نزلت
Sadالرأي العام )
ـ بقلم : الفاتح يوسف جبرا

ذهبت الي منزل صديقي مامون أحمد . له السلامة لنجاته من حادث وهو يقود عربته بالقرب من مستشفى أم درمان .قلت له وأنا أنظر للجهه اليسرى من العربة التي تهشمت تماماً :
: ياخي والله ده حادث كبير ..
قال لي وهو يبتسم ... والله أنا ما غايظني الحادث بقدر ما غاظني شئ تاني حصل مع الحادث ...
وبدأ يحكي لي :
العربة العملت معاي الحادث دي عربية بيتبع لإحدى الجهات النظامية : وأول ما الحدث حصل إتلمت الناس كعادة السودانين . واحد من الناس خاطب سائق العربة وقال ليهو يازول إنتا غلطان .. إلا أن أحد الأشخاص (الواقفين ) أنبرى لهذه الشخص . وخاطبه بلهجة حازمة قائلاً :
أسكت يازول .. ماتتدخل في الموضوع ده :
ولم يكتف هذا الشخص بردع ذلك المواطن بل عندما أراد أحد الجنود الذين كانو بالعربة التحدث أمره بالسكوت ..
يواصل صديقي مأمون :
جاءت عربة المرور وقاموا برسم الحادث وطلبو منا أن نذهب الي القسم ألى ان سائق العربة (الجهه النظامية ) قال بأن لديه مشوار اً قريباً سيذهب له وسوف يلحق بنا في القسم .وقد لفت نظري حينها أن ذلك الشاب ذا اللهجة الحاده قد ركب معهم في العربة:
ذهبت إلى القسم منتظراً حضور العربة وبينما أنا كذلك دخل إلي القسم ذلك الشاب ذو اللهجه الحادة فقمت علي الفور بسؤاله :
- الجماعة ديل وين ؟
- قاعدين ينزلو ليهم في حاجات في بيت اللواء فلان وحيجو هسه : إنت عربيتك مأمنه.
- أيوه مأمنة يأمين شامل .
- خلاص أنا أمشي أخلي العسكري المسئول من تقارير الحوادث يجي يعمل التقارير ويمشينا بسرعة .
دخل ذلك الشاب إلي المكتب ومكث بعض الوقت ثم جاءني فسألته عن تأخر العربة .قال لي : الناس ديل ما مفروض يتاخروا عشان بيت اللواء فلان قريب بي جاي : كدي خليني أتصل فيهم أشوفهم تاخروا لي .
- (وهو يمسك الموبايل والمكروفون مفتوح ) :
- أيوه معاك الملازم ياسر .
- أيوه سعادتك .
مالكم إتاخرتواانا منتظركم في القسم
- خلاص قربنا ننتهي سعادتك .
- يلا تعالوا بي سرعة عشان أنهي ليكم الموضوع ده .
بعد دقائق : اخرج الموبايل ليتصل لكنه أعاده الي جيبه ومد لي يده قائلاً :
- لو سمحت ياأستاذ موبايلك أكلم ناس البيت الظاهر (بطاريته نزلت)
اديتو الموبايل .. إبتعد قليلاً وهو يتحدث بيديه في عصبية .. متجهاً نحو باب القسم .. إنشغلت عنه بعض الشئ ولما لم يعد للقسم خرجت إلي الشارع ..وفص ملح وزاب
بعد قليل حضرت عربة القوات النظامية .. سألت افرادها :
- ياجماعة الملازم ياسر الكان معاكم ده جاء هنا ومشى يكون راح وين ؟
- ملازم شنو ؟ تقصد الشاب الركب معانا العربة من مكان الحادث :
-أيوه .
- ده قال لينا ياجماعة وصلوني قدام معاكم !!
تحزير : مافي زول يقول ليك (البطارية نزلت ) تديهو موبايلك !
الرجوع الى أعلى الصفحة اذهب الى الأسفل
osamanouri
Admin
Admin
avatar

تاريخ التسجيل : 19/05/2010
العمر : 45
الموقع : المملكة العربية السعودية

مُساهمةموضوع: شكرا   السبت 04 سبتمبر 2010, 7:37 pm

شكرا لك أخونا الكريم رافت
و نتنظر منك المزيد
الرجوع الى أعلى الصفحة اذهب الى الأسفل
http://fareqalmahas.ahlamontada.com
 
البطارية نزلت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فريق المحس  :: منتدى فريق :: منتدى فريق العام-
انتقل الى: